🙏 अल्कोहोलिक्स अ‍ॅनॉनिमस- प्रार्थना 🙏

चित्त शांतीची प्रार्थना

देवा

जी परिस्थिती मी बदलू शकत नाही,

ती स्विकारण्यास मनाची प्रसन्नता मला दे;

जी परिस्थिती मी बदलू शकतो,

ती बदलण्याचे धैर्य मला लाभू दे;

आणि अशा परिस्थितीतला भेद जाणण्याचे ज्ञान मला दे.

=======================================

तिसरी पायरी प्रार्थना

''देवा, मी तुझ्या चरणी लीन आहे - तुझ्याबरोबर राहून तुझ्या इच्छेला मान देण्यासाठी स्वार्थाच्या बंधनातून मला मुक्त कर म्हणजे तुझी इच्छा मला अधिक चांगल्या रीतीने पूर्ण करता येईल. माझ्या सर्व इच्छा पूर्ण कर म्हणजे त्यांच्यावरील माझ्या विजयामुळे, ज्यांना मी सहाय्यभूत होणार आहे त्यांना तुझ्या शक्तीची , प्रेमाची आणि  तुझ्या जीवनपद्धतीची साक्ष पटेल. तुझ्या इच्छेपुढे  मला सदैव मान तुकवू दे.''

बिगबुक मराठी पान क्र - 56

======================================================================

सातवी पायरी प्रार्थना

    ''माझ्या निर्मात्या, माझी आता तयारी झाली आहे. जे काही माझे सर्वस्व  चांगले आणि वाईट आहे ते तुझ्या स्वाधीन करायची माझी प्रार्थना आहे तुला आणि माझ्या बांधवांना उपयुक्त  होण्याच्या कामी अडथळे आणणारा प्रत्येक स्वभावदोष तू दूर करावा. तुझी आज्ञा पूर्ण करण्यासाठी मी जेव्हा येथून बाहेर पडेन तेव्हा मला सामर्थ्य प्रदान कर. तथास्तु "

बिगबुक मराठी  पान क्र 68 & 69

=======================================================================

अकराव्या पायरीची प्रार्थना

"परमेश्वरा, तुझ्या शांतीचा मार्ग, शांतीचे साधन मला बनव म्हणजे जेथे तिरस्कार असेल तेथे, क्षमाशीलतेचा विचार मी पोहचवू शकेन, जेथे बेबनाव मतभेद असेल तेथे सुसंवाद आणू शकेन, जेथे चुक असेल तेथे मी सत्य पोहचवू शकेन, जेथे संशय असेल तेथे श्रध्दा नेऊ शकेन, जेथे निराशेचे वातावरण असेल तेथे आशा उत्पन्न करु शकेन, जेथे दुःख असेल तेथे आनंद नेऊ शकेन, जेथे अंधार असेल तेथे प्रकाश नेऊ शकेन. हे दयाघना स्वतःचे दुःख कमी करण्याचा प्रयत्न करण्यापेक्षा दुसऱ्याचे दुःख हलके करण्याचा प्रयत्न मी करावा, दुसऱ्यांकडून  प्रेमाची अपेक्षा करण्यापेक्षा मीच दुसऱ्यांवर प्रेम करावे. त्यासाठीच मला शक्ती मिळण्यासाठी तुझी कृपा माझ्यावर होऊ दे कारण स्वतःचा विसर पडला तरच आपल्याला काही सापडते. दुसऱ्याला क्षमा केल्यानेच आपण क्षमेला पात्र होतो. मृत्युनंतरच आपल्याला शाश्वत जीवनात जाग येते. तथास्तु!

बारा पायऱ्या व बारा रुढी,पान ९९ (इंग्रजी)

======================================================================